ماڵپەڕی ناوەندی ڕاگەیاندنی پارتی سەربەستیی کوردستان،

دیداری نێوان کاک عارف باوه‌جانی له‌گه‌ڵ ناسر بولادی وته‌بێژی گشتی پارتی خه‌ڵکی به‌لوجستان.

له‌ ڕۆژانی 6 و7 ی دێسه‌مبه‌ر که‌ به‌ڕێز کاک عارف له‌ کۆنفرانسی ئاشتی بۆ ڕۆژهه‌ڵاتی ناوه‌ڕاست به‌شدار بوو،له‌و کۆنفرانسه‌دا چاوی به‌ زۆر که‌سایه‌تی سیاسیی ئوروپی و ڕۆژهه‌ڵاتی ناوه‌ڕاست که‌وت،که‌ یه‌کێک له‌و که‌سایه‌تییه‌ سیاسیانه‌ به‌ڕێز ناسر بولادی وته‌بێژی گشتی پارتی خه‌ڵکی به‌لوجستان بوو، له‌ ڕۆژی 6 دیسه‌مبه‌ر دانیشتنێکی 30 خوله‌کی له‌ نێوان به‌ریز کاک عارف وکاک ناسر به‌ریوه‌ چوو، له‌و دانیشتنه‌ دۆستانه‌دا گه‌لێک باسی جۆراجۆرکرا،وه‌ک هه‌ل ومه‌رجی ئیستای ئێران و هه‌ڵوێستی جیهان به‌رامبه‌ر به‌ ئێران،دۆستایه‌تی و هاوکاری نێوان نه‌ته‌وه‌ بنده‌سته‌کان، هه‌روه‌ها ته‌وه‌رێکی دیکه‌ی باسه‌که‌یان له‌ سه‌ر کێشه‌کانی ناو به‌ره‌ی نه‌ته‌وه‌کانی بنده‌ست و کۆنگره‌ی نه‌ته‌وه‌کانی ئێرانی فیدراڵ بوو . شایانی باسه‌ که‌ پارتی خه‌ڵکی به‌لوجستان گه‌وره‌ترین پارتی خه‌ڵکی به‌لوجستانی بنده‌ستی ئێرانه‌، ئاکامی کۆبوونه‌وه‌که‌ به‌ بته‌وکردنی پێوه‌ندی دۆستانه‌ی نێوان هه‌ردوولایه‌ن کۆتایی پێهات. ناوه‌ندی هه‌واڵی پارتی سه‌ربه‌ستیی کوردستان. www.psk2006.org